TIMU YA MADAKTARI BINGWA WA MAMA SAMIA WAFIKA WILAYANI NGARA - KAGERA

Wakati ilipowekwa: June 18th, 2024

NGARA LEO

Timu ya Madaktari Bingwa wa Mhe Samia Suluhu Hassan Rais wa Jamhuri ya Muungano wa Tanzania imeripoti Wilayani Ngara na kuanza kazi rasmi leo Tarehe 18/6/2024.

Timu hiyo Maarufu kama timu ya Madaktari Bingwa wa Mama Samia itakuwa Wilayani Ngara kwa muda wa siku kuanzia hii leo Tarehe 18/6/2024 hadi Tarehe 21/6/2024 na itafanya shughuli za utoaji huduma kwa magonjwa mbalimbali ya binadamu ikiwemo upasuaji na magonjwa ya akina mama pamoja na watoto.Aidha, timu hiyo inaundwa na Madaktari Bingwa wafuatao;- Dr Hakolo Mgaya, Dr Goodluck Mlay, Dr Zipora Mfugale, Dr Laetus Mwombeki na Dr Sr Salome Ndabile.

Kwa niaba ya Wananchi wa Wilaya ya Ngara Mhe Col Mathias Julius Kahabi DC Ngara anatoa pongezi na shukrani nyingi sana kwa Mhe Samia Suluhu Hassan Rais wa Jamhuri ya Muungano wa kwa kuwezesha timu ya Madaktari Bingwa kufika katika Halmashauri ya Wilaya ya Ngara kwa ajili ya kutoa huduma ya matibabu kwa Wananchi wa Wilaya hii ambapo wagonjwa mbalimbali watapata fursa ya kupata matibabu toka kwa timu ya Madaktari Bingwa wa Mama Samia.

Kwa heshima na unyenyekevu mkubwa nawaomba Wananchi wa Wilaya ya Ngara wajitokeze kwa wingi kupata huduma hii muhimu Afya.

ngaradc.go.tz