Wadau wa Maendeleo Mkoani Kagera waahidi kuchangia zaidi ya shilingi bilioni 6.3 kuboresha Sekta ya Elimu

Wakati ilipowekwa: August 31st, 2023

Katika hafla ya kutambua mchango wa wadau kwenye sekta Elimu ya Elimu iliyofanyika leo tarehe 31 Agost 2023 Jijini Dar es Salaam katika ukumbi wa Diamond Jubilee ikishirikisha mikoa yote ya Tanzania bara

Mkuu wa Mkoa Kagera Hajati Fatma Mwassa amesema kuwa wadau wa Maendeleo wamechangia shilingi bilioni 6.3 kwa ajili ya kuboresha sekta ya Elimu

Hajati Fatma amewashukuru wadau mbalimbali Mkoani Kagera waliochangia kiasi hicho cha fedha akitaja wachache kuwa ni *Kampuni ya Kabanga Nikel, kiwanda cha sukari Kagera, Shule za Bunazi Green Acres (Missenyi) na Kemibos (Bukoba)*

Hajati Mwassa pia amemshukuru Rais Samia Suluhu Hassan kwa mchango wake mkubwa katika sekta ya Elimu nchini vilevile akamhakikishia kwamba michango ya wadau itaboresha miundombinu ya Elimu

Mgeni rasmi katika hafla hiyo ni Rais Mstaafu wa Jamhuri ya Muungano wa Tanzania Jakaya Mrisho Kikwete ambaye pia ni Mwenyekiti wa Mpango wa Global Partnership for Education (GPE) Tanzania unaotekelezwa na Wizara ya Elimu,Sayansi na Teknojia kwa kushirikiana na Ofisi ya Rais Tawala za Mikoa na Serikali za Mitaa