DC KANALI KAHABI AFANYA ZIARA YA KUKAGUA MAENDELEO YA UTEKELEZAJI WA MIRADI YA LADP II - NGARA KAGERA.

Wakati ilipowekwa: February 20th, 2024

NGARA LEO

Mkuu wa wilaya ya Ngara Mhe Col Mathias J. Kahabi amefanya ziara ya ukaguzi wa maendeleo ya utekelezaji  wa miradi ya LADP II  Wilayani Ngara 

Mkuu wa wilaya Mhe. Kahabi alifuatana na  Mkurugenzi Mtendaji Halmashauri ya Wilaya, kamati ya usalama ,Mratibu wa LADP, Viongozi wengine Toka LADP Mhandisi wa ujenzi pamoja na viongozi wa Kijiji / Kata husika.

Aidha Mhe Mkuu wa wilaya  Col Mathias Kahabi na timu ya viongozi aliyoambatana wametembelea  kukagua kuona Maendeleo ya utekelezaji wa Miradi ya LADP II ambayo ni :-

1. Ujenzi wa soko la kimkakati la kahaza lililopo Kijiji Cha Rusumo Kata ya Rusumo mkandarasi akiwa Armstrong International ambapo gharama ya Mradi ni Tsh 2,517,833,023 ambapo gharama zilizolipwa ni Tsh 786,157,997.40  kiasi kilichobaki Tsh 1,731,675.025 asilimia ya utekelezaji 38%.
2. Ujenzi Jengo  la utawala Makao Makuu ya Halmashauri lenye Ghorofa  Moja lililopo Ngara Mjini Mkandarasi akiwa Home  Africa Investment corporation Limited ambapo gharama ya Mradi ni Tsh. 3,599,127,670.69, gharama zilizoishalipwa ni Tsh 1,000,252,693/= kiasi kilichobaki ni Tsh 2,598,874,977/=  mkandarasi yupo katika hatua ya kufunga maboksi na kumwaga zege la nguzo mlalo ,Jamvi la juu pamoja na nondo zake. Kasi ni nzuri ambapo asilimia ya Mradi ni 46%.
3. Ujenzi wa Bweni , Bwaro Jiko la chakula  na Jengo la utawala Shule ya Sekondari Ngara high Kata ya kasulo akiwa Mkandarasi Gesap Engineering Group ambapo Gharama za Mradi ni Tsh. 1,287,528,500/= ,Gharama zilizolipwa Tsh. 438,176,053.70/= kiasi kilichobaki Tsh. 848,352,446/= Hatua iliyofikiwa ni  kumwaga zege la nguzo wima na mlalo,za juu  pamoja na nondo zake,kwenye Bweni kenchi za paa. Kasi imepungua Kwa sababu ya kutokuwepo Kwa mchanga na kokoto za kutosha. Mradi upo asilimia 55.6%. Aidha Mhe Mkuu wa Wilaya amemwagiza mkandarasi vifaa hivyo  vilete haraka Ili Kasi ya ujenzi iendelea.

Mhe Col Mathias Kahabi  amemshukuru na kumpongeza Rais wa Jamhuri ya Muungano wa Tanzania Mhe Dkt Samia Suluhu Hassan kwa jitihada kubwa za kuwaletea wananchi wa Ngara Miradi ya maendelea kupitia  sekta Mbalimbali.

Bonyeza hapa kuangalia zaidi.

Ziara ya DC Ngara kukagua Maendeleo ya Miradi ya LADP II 17.022023.pdf